حکومەتی هەرێم بڕی ٥ ملیارو ٨٠٠ ملیۆن دینار بۆ شارەوانی سلێمانی خەرج دەکات
هەولێر، هەرێمی کوردستان، عێراق (GOV.KRD)- لەسەر ڕاسپاردەی مەسرور بارزانی، سەرۆکی حکومەتی هەرێمی کوردستان بڕی (٥,٨٣٦,٤٤٠,٠٠٠) پێنج ملیار و هەشت سەدو سی و شەش ملیۆن و چوارسەدو چل هەزار دینار بۆ ماوەی یەک ساڵ لە ڕێکەوتی ٢٠٢١/١/١ تاوەکو ٢٠٢١/١٢/٣١ بۆ وەزارەتی شارەوانی و گەشتو گوزار/ سەرۆکایەتی شارەوانی سلێمانی خەرج کرا.
ئامانج لە خەرجکردنی ئەو بڕە پارەیە بۆ کۆکردنەوە و گواستنەوەی خۆڵ و خاشاکە لە زۆنی (١)ی سنووری ڕۆژهەڵاتی سلێمانی و زۆنی (٤)ی سنووری باشووری شاری سلێمانی، ئەو بڕە پارەیەش لەسەر بودجەی سەرۆکایەتی شارەوانی سلێمانی خەرج دەکرێت.
فه‌رمانگه‌ی میدیا و زانیاری