پرسەنامەی فەرمانگەی میدیا و زانیاری، سەبارەت بە گیان لەدەستدانی ڕۆژنامەنووس هونەر مزووری
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
هەولێر، هەرێمی کوردستان، عێراق (GOV.KRD)- بەداخەوە دوای زیاتر لە ٤٠ رۆژ لە تووشبوونی بە ڤایرۆسی کۆڕۆنا، ئێوارەی ئەمڕۆ شەممە ڕێکەوتی ٣١ی تەمموزی ٢٠٢١، ڕۆژنامەنووس "هونەر مزووری" گیانی سپارد.
وەک فەرمانگەی میدیا و زانیاریی حکومەتی هەرێمی کوردستان، پرسە و سەرەخۆشی خۆمان ئاراستەی بنەماڵەی خوالێخۆشبوو و سەرجەم ڕۆژنامەنووسان دەکەین، و لە خودای گەورە داواکارین بە بەهشتی بەرینی شاد بکات و دڵنەوایی بە کەسوکاری ببەخشێت.
فەرمانگەی میدیا و زانیاری حکومەتی هەرێمی کوردستان
٢٠٢١/٧/٣١