دەست بە قیرتاوكردنی ڕێگه‌ی خه‌لیفان ـ بالیسان دەکرێت
هەولێر، هەرێمی کوردستان، عێراق (GOV.KRD)- له چوارچێوه‌ی كار و پڕۆژە خزمەتگوزارییە‌كانی كابینه‌ی نۆیه‌می حكومه‌تی هه‌رێمی كوردستان و گرینگیدان به نۆژە‌نكردنه‌وه و دروستكردنی ڕێگه و بانه‌كان له ته‌واوی شار و شارۆچكه‌كانی هه‌رێم، حكومه‌تی هه‌رێمی كوردستان، ڕە‌زامه‌ندیی له‌سه‌ر ته‌رخانكردن و خه‌رجكردنی گوژمه‌ی ٩٤٦,٦٥٠,٠٠٠ دینار نیشان دا به مه‌به‌ستی جێبه‌جێكردنی پڕۆژە‌ی چاككردنه‌وه و قیرتاوكردنی ڕێگه‌ی خه‌لیفان ـ بالیسان له قه‌زای شه‌قڵاوه.
ئه‌م بڕە پاره‌یه‌ش به شێوه‌ی نه‌ختینه و قۆناغ به قۆناغ له‌سه‌ر بودجه‌ی وه‌به‌رهێنانی وه‌زاره‌تی ئاوه‌دانكردنه‌وه و نیشته‌جێكردن خه‌رج ده‌كرێت.
فه‌رمانگه‌ی میدیا و زانیاری
١ی تشرینی دووەمی ٢٠٢١