سەرۆکی حکومەت بڕە پارەیەکی بۆ جێبەجێکردنی پڕۆژه‌ی خزمه‌تگوزاریی گه‌ڕه‌كی ده‌روازه‌ی شاری ڕانیه تەرخان کرد
هەولێر، هەرێمی کوردستان، عێراق (GOV.KRD)- له چوارچێوه‌ی پڕۆژه خزمه‌تگوزارییه‌كانی كابینه‌ی نۆیه‌می حكومه‌تی هه‌رێم له شار و شارۆچكه‌كانی كوردستان، مه‌سرور بارزانی سه‌رۆكی حكومه‌تی هه‌رێمی كوردستان ڕه‌زامه‌ندی له‌سه‌ر ته‌رخانكردن و خه‌رجكردنی بڕ‌ی (٣٨٢,٩٠٠,٠٠٠) سێسەدو ھەشتاو دوو ملیۆن و نۆسەد ھەزار دینار دا به مه‌به‌ستی جێبه‌جێكردنی پڕۆژه‌ی خزمه‌تگوزاری به‌شێك له گه‌ڕه‌كی ده‌روازه‌ی شاری ڕانیه.
ئه‌م بڕه پاره‌یه‌ش به شێوه‌ی نه‌ختینه و قۆناغ به قۆناغ له‌سه‌ر بودجه‌ی وه‌به‌رهێنانی وه‌زاره‌تی شاره‌وانی و گه‌شتوگوزار خه‌رج ده‌كرێت.
فەرمانگەی میدیا و زانیاری
حکومەتی ھەرێمی کوردستان
١٢ی تشرینی یەکەمی ٢٠٢١