زیاتر لە ٤١٢ ملیۆن دینار بۆ چەندین پڕۆژەی ئاو لە ئیدارەی سەربەخۆی سۆران تەرخان دەکرێت
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
هەولێر، هەرێمی کوردستان، عێراق (GOV.KRD)- لە چوارچێوەی گرنگیدانی زیاتری کابینەی نۆیەمی حکومەتی هەرێمی کوردستان بە خزمەتگوزاریی پارێزگا و ئیدارە سەربەخۆکان، مەسرور بارزانی سەرۆکی حکومەتی هەرێمی کوردستان، ڕەزامەندی لەسەر تەرخانکردنی گوژمەی (٤١٢,١٨٤,٠٠٠) ملیۆن دینار دەربڕی بە مەبەستی جێبەجێکردنی پڕۆژەی ئاوی گەڕەکەکانی (باپشتیان، جوندیان و نەهری) لە سەنتەری ئیدارەی سەربەخۆی سۆران و سەنتەری ناحیەی خەلیفان و شارۆچکەی سرێشمەی سەر بە هەمان ناحیە.
گوژمەکەش بە شێوەی نەختینە و قۆناغ، لەسەر بوودجەی پەرەپێدانی ئیدارەی سەربەخۆی سۆران خەرج دەکرێت.
فەرمانگەى میدیا و زانیارى
١ی شوباتی ٢٠٢٢