بڕی ٣,٦ ملیار دینار بۆ چاككردنه‌وه و قیڕتاوكردنی ڕێگای ئامادا- بێخمێ – كانی تۆزێ خه‌رج ده‌كرێت
هەولێر، هەرێمی کوردستان، عێراق (GOV.KRD)- له‌سه‌ر ڕه‌زامه‌ندیی سه‌رۆكی حكومه‌تی هه‌رێمی كوردستان، بڕی (٣,٦٥٧,٨٧٣,٠٠٠) سێ ملیار و شه‌شسه‌د و په‌نجاو حه‌وت ملیۆن و هه‌شتسه‌د و حه‌فتا و سێ هه‌زار دینار ته‌رخان كرا به مه‌به‌ستی جێبه‌جێكردنی پڕۆژه‌ی ( چاككردنه‌وه و قیڕتاوكردنی ڕێگای ئامادا- بێخمێ – كانی تۆزێ) به درێژیی ٢١ كیلۆمه‌تر له ناحیه‌ی دینارتێ له قه‌زای ئاكرێ، ئه‌م گوژمه‌یه‌ش به شێوه‌ی نه‌ختینه و قۆناغ به قۆناغ له‌سه‌ر بودجه‌ی په‌ره‌پێدانی پارێزگای دهۆك خه‌رج ده‌كرێت.
فه‌رمانگه‌ی میدیا و زانیاری
٩ی کانوونی دووەمی ٢٠٢٢