سەرۆکی حکومەتی ھەرێمی کوردستان ڕەزامەندی دا لەسەر تەرخانکردنی زیاتر لە ١٢ ملیار دینار بە مەبەستی کەمکردنەوەی مەترسی لافاو
هەولێر، هەرێمی کوردستان (GOV.KRD)- لە پێناو کەمکردنەوەی مەترسی لافاو لە شاری ھەولێر ، مەسرور بارزانی، سەرۆکی حکومەتی ھەرێمی کوردستان، ڕەزامەندی دا لەسەر تەرخانکردن و خەرجکردنی گوژمەی ١٢ ملیار و ٦٣٩ ملیۆن و ٩٠٠ ھەزار دینار، بە مەبەستی دروستکردنی ١٤ پۆند لە دەوروبەری ھەولێر بە شێوەی نەختینە و قۆناغ ، لەسەر بودجەی وەزارەتی کشتوکاڵ و سەرچاوەکانی ئاو.
فەرمانگەی میدیا و زانیاری
٢٧ی تشرینی یەکەمی ٢٠٢٢