پڕۆژەیەکی ستراتیژیی ڕێگەوبان لە دهۆک جێبەجێ دەکرێت
![](/media/21379/photo_2023-08-05_12-28-12.jpg?anchor=center&mode=crop&width=1200&height=630&rnd=133358000220000000)
کارکردن لە پڕۆژەکانی کابینەی نۆیەمی حکومەتی هەرێمی کوردستان بەردەوامن و ئەمجارە لە دهۆک، پڕۆژەیەکی ستراتیژیی جێبەجێ دەکرێت کە هاتووچۆی شۆفێران ئاسانتر دەکات.
پڕۆژەی قۆناخی یەکەمی دروستکردنی ئۆڤەرپاس، ئەندەرپاس و یوتێرن لەسەر شەقامی بارزان لە دهۆک جێبەجێ دەکرێت.
کامیران عەبدوڵڵا، بەرێوەبەری پڕۆژەکەیە و بە فەرمانگەی میدیا و زانیاری گوت: ''کارکردن لە پڕۆژەکە بەردەوامە و زیاتر لە ٢٠٪ـی کارەکانی تەواو بووە.''
گوژمەکەی زیاتر لە ١٣ ملیار دینارە و نزیکەی ٢٠٠ هەلی کاری ناوخۆیشی بۆ هاووڵاتییان رەخساندووە.
بەڕێوەبەری پڕۆژەکە لەبارەی سوودەکانی ئەو پڕۆژەیە گوتی:''دروستکردنی ئەو ئۆڤەرپاس، ئەندەرپاس و یوتێرنانە وا دەکات هیچ ترافیکلایتێک لە شەقامە سەرەکییەکە نەمێنێت و قەرەباڵخیش کەمدەکاتەوە.''
کابینەی نۆیەمی حکومەتی هەرێمی کوردستان، گرنگییەکی زۆر بە سێکتەری ڕێگەوبان دەدات و لەو چوارچێوەیەشدا چەندین پڕۆژەی لە شار و شارۆچکەکانی هەرێمی کوردستان جێبەجێ کردووە.
فەرمانگەی میدیا و زانیاری