دوو ڕێگای ستراتیژیی نۆژەن دەکرێنەوە
![](/media/19700/img_20230514_212206_248.jpg?anchor=center&mode=crop&width=1200&height=630&rnd=133285621130000000)
بەڕێوەبەرایەتیی چاککردنەوە و پاراستنی رێگاوبانی ھەولێر، دەستیکردووە بە نۆژەنکردنەوە و قیرتاوکردنی رێگای دۆڵی سماقووڵی و “بەمزووانەش رێگای دۆڵی بالیسان دەستپێدەکات”.
ڕاگەیاندنی پارێزگای هەولێر، ڕاگەیاندراوێکی بڵاوکردووەتەوە و دەڵێت، ملیارێک و ٣٠٠ ملیۆن دینار بۆ نۆژەنکردنەوەی ڕێگای دۆڵی سماقووڵی تەرخانکراوە و لە قۆناخی یەکەم، ڕێگاکە بەدرێژایی ١٠ کیلۆمەتر قیرتاو دەکرێت.
لە ڕاگەیاندراوەکەی پارێزگای هەولێردا هاتووە، کە ڕێگای دۆڵی بالیسان نۆژەندەکرێتەوە، ئەم ڕێگا ستراتیژییە بەدرێژایی ٢٧ کیلۆمەتر قیرتاو دەکرێت و ٧ ملیار دیناری بۆ تەرخانکراوە.
فەرمانگەی میدیا و زانیاری