ڕوونکردنەوەی وەزارەتی کارەبا؛ دەنگۆی بەرزبوونەوەی نرخی کیلۆواتی کارەبا ڕاست نییە
![](/media/20012/photo_2022-10-26_12-32-59.jpg?center=0.43939393939393939,0.48989898989898989&mode=crop&width=1200&height=630&rnd=133294858760000000)
وەزارەتی کارەبا دەنگۆی بەرزبوونەوەی نرخی هەر کیلۆواتێکی کارەبا "لە ١٨ دینارەوە بۆ ١٥٦ دینار" ڕەتدەکاتەوە و رایدەگەیێنێت، کرێی کارەبا بۆ هاووڵاتییان لە هەموو شوێنێک بە بازاڕ و سیتییە ئاساییەکانیشەوە، هەمان نرخی جارانە.
وەزارەتی کارەبا، ئاماژە بەوە دەکات، بڕیاری بەرزکردنەوەی هەر کیلۆواتێکی کارەبا بۆ ١٥٦ دینار، تەنیا بۆ سیتییە گرانبەهەکانە کە بە سیستەمی پریپەید کارەبایان هەیە و موەلیدەی ئەهلییان نییە.
سیستەمی پریپەید، تەنیا بۆ زیاترکردنی کاتەکانی پێدانی کارەبا و چارەسەرکردنی گرفتی قەرزی کارەبایە، کە بەهۆیەوە پێدانی کرێی کارەبا دەبێتە پێشوەختە.
ژێرخانی بەرهەمهێنانی کارەبای هەرێمی کوردستان، گەیشتووەتە نزیکەی (٧٤٠٠) مێگاوات، بەڵام بەهۆی کێشەی سووتەمەنی و نەختینەوە، ئێستا کەمتر کە (٤٢٠٠) مێگاوات بەرهەم دێت. سیستەمی پریپەید بەشێکی زۆری ئەم کێشەیە چارەسەر دەکات و بەرەو دابینکردنی كارەبایەكی باشتر بۆ هاوڵاتییان هەنگاو دەنێین.
پرۆسەی سیستەمی پریپەید ماوەی ساڵێكە دەستیپێکردووە و، تا ئێستا لە چەند شوینێکی هەولێر، سلێمانی و دهۆک جێبەجێکراوە.
فەرمانگەی میدیا و زانیاری