بەشێکی بەرهەمهێنانی كارەبای هەرێمی كوردستان بە شێوازی ژینگەپارێزییە
![](/media/17688/photo_2023-01-10_14-03-12-1400.jpg?anchor=center&mode=crop&width=1200&height=630&rnd=133178339770000000)
ڕۆژی سێشەممە ٢٣ی ئایاری ۲۰۲۳، کەمال محەمەد ساڵح، وەزیری كارەبا پێشوازیی لە د.تۆركیلد بیوگ، نێردەی یەكێتی ئەوروپا لە عێراق و بەرپرسی نوسینگەی پەیوەندییەكانی یەكێتییەكە لە هەولێر کرد.
لە دیدارێكدا باسیان لە هەنگاوەكانی پشتبەستن بە بەرهەمهێنانی کارەبا بە وزەی خاوێن و وزە نوێبووەكان و دانانی وێستگەی بارگاویكردنی ئۆتۆمبێلی كارەبای لە هەرێم كرد.
کەمال محەمەد، ئامادەیی وەزارەتی كارەبای بۆ پێدانی مۆڵەت و كارئاسانی بۆ ئەو كەسانە پیشاندا کە دەیانەوێت وێستگەی بارگراویكردنی ئۆتۆمبێلی كارەبایی لە شارەكانی كوردستان دابمەزرێنن.
نێردەی یەكێتیی ئەوروپا هەوڵەكانی وەزارەتی کارەبای بۆ پاراستنی ژینگە و ڕێگرتن لە گۆڕانكاری كەشوهەوا بەرز نرخاند و داوای كرد لە رێگەی وێستگەکانی ژینگەپارێزییەوە زیاتر گرنگی بە پاراستنی ژینگە بدرێت و كارئاسانیش بۆ زیادكردنی وێستگەكانی تایبەت بە بارگاویكردنی كارەبا بۆ ئۆتۆمبێل بدرێت.