پەیاما پیرۆزباھییا سەرۆکێ حکومەتا هەرێما کوردستانێ ب ھەلکەفتا جەژنا ڕۆژیێن ئێزی

هەولێر، هەرێمی کوردستان، عێراق (GOV. KRD) - مەسرور بارزانی سەرۆكی حكومەتا هەرێما كوردستان رۆژا پێنجشەم 2020/12/17 د پەیامەكێ دە، جەژنا رۆژیێن ئێزی پیرۆز كر، ئەڤا ژی تێكستا پەیاما سەرۆكێ حكومەتی یە:

جەژنا (رۆژیێن ئێزی ) ل تەڤایا خوشک و برایێن ئێزیدی پیرۆز دکەم. هیڤیدام ئەڤێ جەژنێ د سەقایەکێ پڕ ژ خۆشی و شادی و تەناهیێ دا ببەنە سەر و دویماھی ب نەخۆشی و ئێش و ئازارێن خوشک و برایێن ئێزیدی بهێت.

حکومەتا هەرێما کوردستانێ دێ یا بەردەوام بیت ل دوپاتکرنێ لسەر مافێن ھەموو پێکهاتان و موکومکرنا کەلتوورێ پێکڤە ژیانا ئایینی و نەتەوەیی د هەرێما کوردستانێ دا. ب وێ ھیڤیێ کو خوشک و برا یێن ئێزیدی یێن ئاوارە ب سەربلندی بزڤڕنەڤە بۆ جھ و وارێن خۆ و دەڤەرێن وان بھێنە ئاڤەدانکرن.

مەسرور بارزانی
سەرۆکێ حکومەتا هەرێما کوردستانێ