سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات
![](/media/1753/pmbarzani_meets_matthewhtueller_01.jpg?anchor=center&mode=crop&width=1200&height=630&rnd=132254026890000000)
هەولێر، هەرێمی کوردستان، عێراق (GOV.KRD) - رۆژی چوارشەممە ٢٠٢٠/٢/٥ مەسرور بارزانی سەرۆکی حکومەتی هەرێمی کوردستان پێشوازیی لە ماتیۆ تولەر باڵیۆزی ئەمەریکا لە عێراق کرد.
لە دیدارێكدا، دوایین پێشهات و گۆڕانکارییەکانی عێراق و ناوچەکە تاوتوێ کرا و جەخت لە گرنگیی سەقامگیربوونی دۆخی عێراق و هاتنەکایەی حکومەتێک کرایەوە کە چاکسازیی پێویست ئەنجام بدات و لە ئاست داخوازییەکانی خەڵكدا بێت و نوێنەرایەتی هەموو پێکهاتە نەتەوەیی و ئاینییەکانی عێراق بکات و پەیوەندییەکی باشیش لەگەڵ هەرێمی کوردستان هەبێت و ھەروەھا لەسەر بنەمای بەرژەوەندیی هاوبەش پوەندییەکی هاوسەنگی لەگەڵ ولاتانی دراوسێ و کۆمەڵگەی نێودەولەتيدا هەبێت.
لە دیدارەكەدا، هەروەها پێداگیرییان لەسەر گرنگیی بەردەوامبوونی پشتیوانی هاوپەیمانیی نێودەوڵەتی بۆ هێزی پێشمەرگە و سوپای عیراق لە بەرەنگار بوونەوەی هەڕەشەکانی داعش كرد.