سەرۆکی حکومەتی هەرێمی کوردستان لەگەڵ وەزیری دەرەوەی عێراق کۆبووەوە
![](/media/1853/pmbarzani_iraqiexteriorminister.jpg?anchor=center&mode=crop&width=1200&height=630&rnd=132262740260000000)
میونشن، ئەڵمانیا (GOV.KRD) - رۆژی شەممە ٢٠٢٠/٢/١٥ مەسرور بارزانی سەرۆکی حکومەتی هەرێمی کوردستان لە پەراوێزی کۆنفراسی ئاسایشی میونشن لەگەڵ محەمەد ئەلحەکیم وەزیری دەرەوەی عیراق کۆبووەوە.
لە کۆبوونەوەکەدا گفتوگۆ دەربارەی دوایین گۆڕانکارییەکانی عێراق و ناوچەکە و هەوڵەکانی پێکهێنانی حکومەتی نوێی عێراق کرا.
سەرۆکی حکومەتی هەرێمی کوردستان جەختی لەوە کردەوە کە هەرێمی کوردستان پشتیوانی لە حکومەتێک دەکات کە پابەندبێت به قەوارەی فیدرالی و مافە دەستوورییەکانی هەرێمی کوردستان و دامەزراوە فەرمییەکانی هەرێمیش، وەزیرەکانی هەرێمی کوردستان لە حکومەتی نوێی عێراق دەستنیشان بکەن.