پەیامی پیرۆزبایی سەرۆکی حکومەتی هەرێمی کوردستان بە بۆنەی ڕۆژی لەدایکبوونی پێغەمبەری ئیسلام
![](/media/1689/prime_minister_masrour_barzani.jpg?anchor=center&mode=crop&width=1200&height=630&rnd=132596854380000000)
هەولێر، هەرێمی كوردستان، عێراق (GOV.KRD) مەسرور بارزانی سەرۆكی حكومەتی هەرێمی كوردستان، رۆژی چوارشەممە 28 تشرینی یەكەمی 2020 لە پەیامێكدا، رۆژی لە دایکبوونی پێغەمبەری ئیسلامی لە موسڵمانانی كوردستان و جیهان پیرۆز كرد، ئەمەش دەقی پەیامەكەیەتی:
بە بۆنەی ڕۆژی لە دایكبوونی پێغەمبەری ئیسلام حەزرەتی محەمەد (د.خ)، گەرمترین پیرۆزبایی لە موسڵمانانی كوردستان و جیهان دەكەم. هیوادارم یادی لە دایکبوونی پێغەمبەری خوشەویستمان ببێتە مایەی خێر و خۆشی و ئارامیی و قوڵبوونەوەی گیانی خۆشەویستی لە نێوان تەواوی گەلان و پەیڕەوانی ئایین و ئایینزا جیاوازەكان.
ئەمڕۆ لە هەموو كاتێك زیاتر، پێویستیمان بە ئاشتەوایی و لێبووردەیی و پاراستنی بەها بەرزەكانی مرۆڤایەتیی هەیە، كە هەڵقوڵاوی پەیامی پیرۆزی خوای میهرەبانە. ئومێدەوارم ئەم بۆنە پیرۆزە، زیاتر هاندەرمان بێت بۆ قووڵکردنەوەی کولتووری بەیەکەوەژیان و تەبایی لە هەرێمی کوردستان و جیهاندا.
مەسرور بارزانی
سەرۆكی حكومەتی هەرێمی كوردستان