سەرۆکی حکومەتی هەرێمی کوردستان پێشوازی لە شاندێکی کۆڕبەندی بحرالعلوم دەکات
![](/media/5592/pm_masrour_barzani_receives_ibrahim-bahr-al-uloom-1.jpg?anchor=center&mode=crop&width=1200&height=630&rnd=132627097560000000)
هەولێر ، هەرێمی كوردستان، عیراق (GOV.KRD)- ئەمڕۆ دووشەممە 2021/4/12 مەسرور بارزانی سەرۆکی حکومەتی هەرێمی کوردستان ، پێشوازی لە شاندێکی کۆڕبەندی بحرالعلوم بۆ دایەلۆگ کرد بە سەرۆکایەتی د. ئیبراهیم بحرالعلوم.
لە دیدارەکەدا گفتوگۆ دەربارەی گرنگیی پتەوکردن و پەرەپێدانی کولتووری بەیەکەوەژیان وپرنسیپی دایەلۆگ کرا بۆ چارەسەرکردنی کێشەکان.
سەرۆکی حکومەت جەختی لەوە کردەوە کە هەرێمی کوردستان هەمیشە لە گەڵ ئەوە بووه کێشەکانی نێوان هەرێمی کوردستان و حکومەتی فیدراڵی ، لە ڕێگەی گفتوگۆ و دایەلۆگەوە ، بە شێوەیەکی بنەڕەتی و لە سەر بنەمای دەستوور ، چارەسەر بکرێن.