پەیاما پیرۆزباهیێ یا سەرۆکێ حکومەتا هەرێما کوردستان ب هەلکەفتا هاتنەڤا سەرساڵا ئۆلی یا ئێزیدییان
![](/media/1689/prime_minister_masrour_barzani.jpg?anchor=center&mode=crop&width=1200&height=630&rnd=132596854380000000)
هەولێر ، هەرێمی كوردستان ، عیراق (GOV.KRD)- ب هەلکەفتا جەژنا سەرساڵا ئۆلی یا ئێزیدییان، پیرۆزباهییەکا گەرم ل خوشک و برایێن ئێزیدی ل کوردستانێ و جیهانی دکەم. هیڤیدارم ساڵا نوی، ساڵا شادی و بەختەوەریێ و ب داوی هاتنا دەردەسەری و نەخۆشییان بیت.
ب ڤێ هەلکەفتێ، خوشک و برایێن ئێزیدی پشتڕاست دکەینەڤە، کو حکومەتا هەرێما کوردستانێ پشتەڤانەکا بهێزە بۆ داخوازیێن ڕەوایێن ئێزیدییان و هەموو شیانان دێ بکارئینیت، ژبۆ خزمەتکرنا پتر یا ئێزیدییان و کارکرن ژبۆ زڤڕینەڤا ئاوارەیان و ئاڤەدانکرنەڤا دەڤەرێن ئێزیدییان ب هەڤکاری یا حکومەتا عێراقێ و جڤاکا نیڤدەولەتی.
بێگومان بجهئینانا رێککەفتننامەیا شنگالێ یا دنێڤبەرا حکومەتا هەرێما کوردستانی و حکومەتا فیدرالا عیراقێ و دەرکەفتنا میلیشیا و چەکدارێن نەیاسایی ژ شنگالێ ئەگەرەکێ گرنگێ زڤڕینەڤا ئێمناهی و سەقامگیریێ یە ژبۆ دەڤەرێ.
مەسرور بارزانی
سەرۆکێ حکومەتا هەرێما کوردستانێ