سه‌رۆكى حکومەتی هه‌رێمى كوردستان سەرەخۆشی لە پاتریارک مار گۆرگیس دەکات
هەولێر، هەرێمی کوردستان، عێراق (GOV.KRD)- سەرۆکی حکومەتی هەرێمی کوردستان مەسرور بارزانی ئەمڕۆ چوارشەممە 28 ی تەمموزی 2021 ، پەیامێکی سەرەخۆشی ئاراستەی پاتریارک مارگۆرگیس سڵیوای پاتریارکی کەنیسەی ڕۆژهەڵاتی لە عێراق و جیهان کرد کە ئەمە دەقەکەیەتی :
به‌ڕێز قه‌داسه‌تی پاتريارك مار گۆرگيس سڵيوا، پاترياركى كه‌نيسه‌ى ڕۆژهه‌ڵاتى ئاشوورى:
بە داخەوە هەواڵی کۆچی دوایی خاتوو په‌ننا دانيال سڵیواى خوشكی بەڕێزتانم پێگەیشت، پرسه و سه‌ره‌خۆشى له به‌ڕێزتان و خانەوادەکەتان دەکەم . خوای مەزن گيانى خوالێخۆشبوو بخاته به‌ر ميهره‌بانيى خۆى و و ئارامیش بە ئێوە ببەخشێت.
مەسرور بارزانی
سەرۆکی حکومەتی هەرێمی کوردستان