سەرۆکی حکومەتی هەرێمی کوردستان گەیشتەوە هەولێر

هەولێر ، هەرێمی كوردستان ، عیراق (GOV.KRD)- ئێوارەی ئەمڕۆ هەینی 11ی حوزەیرانی 2021 مەسرور بارزانی سەرۆکی حکومەتی هەرێمی کوردستان، دوای گەشتێک بۆ بەلجیکا و یۆنان و ئەنجامدانی چەندین کۆبوونەوە و دیدار لەگەڵ بەرپرسانی باڵای ئەو وڵاتانە ، گەیشتەوە هەرێمی کوردستان.

سەرۆکی حکومەت لە گەشتەکەیدا بۆ وڵاتانی ئەوروپا، لەگەڵ سەرۆک وەزیرانی بەلجیکا ، جێگری سەرۆک وەزیران و وەزیری دەرەوەی بەلجیکا ، سەرۆک وەزیرانی فلاندەرز ، سەرۆک وەزیران و وەزیری دەرەوەی یۆنان کۆبووەوە و پەرەپێدانی پەیوەندییەکانی نێوان هەرێمی کوردستان و ئەو وڵاتانە و دوایین گۆڕانکاری و پەرەسەندنەکانی عێراق و ناوچەکەی تاووتوێ کرد.