سەرۆک وەزیران کازمی پیرۆزبایی لە سەرۆکی حکومەتی هەرێمی کوردستان دەکات
![](/media/1537/krg_logo-white-background_3.jpg?anchor=center&mode=crop&width=1200&height=630&rnd=132596855490000000)
هەولێر ، هەرێمی كوردستان ، عیراق (GOV.KRD)- ئەمڕۆ یەکشەممە 2021/3/21 سەرۆکی حکومەتی هەرێمی کوردستان مەسرور بارزانی ، پەیوەندییەکی تەلەفۆنی لە سەرۆک وەزیرانی فیدراڵ مستەفا کازمی پێگەیشت.
لە پەیوەندییەکەدا، سەرۆک وەزیران کازمی ، پیرۆزبایی جەژنی نەورۆز و ساڵی نوێی کوردی، لە سەرۆکی حکومەت کرد و هیوای خواست جەژنی نەورۆز، ببێتە مایەی خۆشی و ئارامی و سەقامگیریی بۆ خەڵکی کوردستان و عێراق .
سەرۆکی حکومەت سوپاسی سەرۆک وەزیران کازمی کرد بۆ پیرۆزباییەکەی و خوازیار بوو، نەورۆز خێرو خۆشی لە گەڵ خۆی بهێنێت و ببێتە دەرفەتێک بۆ کۆتایی هاتنی ناخۆشی و چارەسەرکردنی کێشەکان لە عێراق.