سەرۆکی حکومەتی هەرێمی کوردستان پیرۆزبایی لە سکرتێری حزبی شیوعیی کوردستان دەکات

هەولێر، هەرێمی کوردستان، عێراق (GOV.KRD)- ئەمڕۆ شەممە 6ی نۆڤێمبەری 2021 مەسرور بارزانی سەرۆکی حکومەتی هەرێمی کوردستان ، لە پەیوەندییەکی تەلەفۆنیدا، پیرۆزبایی لە کاوە مەحموود کرد، بەبۆنەی هەڵبژاردنەوەی بە سکرتێری کۆمیتەی ناوەندی حزبی شیوعیی کوردستان و سەرکەوتنی کۆنگرەی حەفتەمی حزبەکەیان و هیوای سەرکەوتنی بۆ خواستن.
سکرتێری حزبی شیوعیی کوردستان، بەناوی خۆی و کۆمیتەی ناوەندی حزبی شیوعییەوە، سوپاس و پێزانینی بۆ پەیوەندی و پیرۆزبایی سەرۆکی حکومەت دەربڕی.