سەرۆکی حکومەتی هەرێمی کوردستان لە گەڵ سەرۆک وەزیرانی بەریتانیا کۆدەبێتەوە
![](/media/11157/cf575424-8652-4d8b-91c6-a6158ed52a2a.jpeg?anchor=center&mode=crop&width=1200&height=630&rnd=133433190410000000)
هەولێر، هەرێمی کوردستان، عێراق (GOV.KRD)- ئەمڕۆ دووشەممە 18ی نیسانی 2022 مەسرور بارزانی سەرۆکی حکومەتی هەرێمی کوردستان، بە سەرۆکایەتی شاندێکی حکومی و بە سەردانێکی فەرمی، گەیشتە لەندەنی پایتەختی بەریتانیا و لەگەڵ سەرۆک وەزیران بۆریس جۆنسن و بەرپرسە باڵاکانی دیکەی ئەو وڵاتە کۆدەبێتەوە.
لە دیدارەکاندا ، گفتوگۆ دەربارەی پەرەپێدانی پەیوەندییەکانی هەرێمی کوردستان و بەریتانیا و دوایین گۆڕانکاری و پەرەسەندنەکانی عێراق و ناوچەکە دەکرێت.