سەرۆکی حکومەتی هەرێمی کوردستان لە گەڵ وه‌زیری بازرگانی وپیشەسازی قه‌ته‌ر کۆدەبێتەوە
هەولێر، هەرێمی کوردستان، عێراق (GOV.KRD)- سەرۆکی حکومەتی هەرێمی کوردستان مەسرور بارزانی لە داڤۆس لە گەڵ شێخ محەمەد بن حەمەد ئال سانی وەزیری بازرگانی وپیشەسازی قه‌ته‌ر کۆبووەوە.
لە کۆبوونەوەکەدا گفتوگۆ دەربارەی پەرەپێدانی پەیوەندییەکانی هەرێمی کوردستان و قەتەر کرا، بەتایبەتی لە ئاڵوگۆڕی بازرگانی و سوود وەرگرتن لە ئەزموونی قەتەر لە بواری پەرەپێدانی وەبەرهێنان و پێشخستنی سیستمی بانکی.
