سەرۆکی حکومەت پێشوازی لە جێگری سەرۆک وەزیران و وەزیری پلاندانانی فیدراڵ دەکات
![](/media/19447/photo_3_2023-05-01_13-12-24.jpg?anchor=center&mode=crop&width=1200&height=630&rnd=133433190720000000)
ئەمڕۆ دووشەممە 5/1 مەسرور بارزانی سەرۆکی حکومەتی هەرێمی کوردستان ، پێشوازی لە محەممەد عەلی تەمیم جێگری سەرۆک وەزیران و وەزیری پلاندانانی حکومەتی فیدراڵ کرد.
لە کۆبوونەوەکەدا ، گفتوگۆ لەبارەی بارودۆخی گشتیی عێراق و گرنگیی پەسەندکردنی یاسای بودجەی فیدرال لە ئەنجومەنی نوێنەران لە زووترین کاتدا کرا ، بەو هیوایەی ببێتە سەرەتایەک بۆ جارەسەرکردنی کێشەکانی نێوان هەرێمی کوردستان و حکومەتی فیدرال لەسەر بنەمای دەستوور و دابینکردنی ماف و شایستە دەستوورییەکانی خەڵکی کوردستان .
هەروەها جەخت لە گرنگیی جێبەجێکردنی هەموو ئەو ڕێککەوتنانە کرایەوە کە لە کارنامەی
حکومەتی فیدراڵدا ئاماژەیان پێدراوە.