سهرۆكی حکومەت پێشوازى له جێگری نوێنهرى تایبهتیی سكرتێرى گشتيى نهتهوه يهكگرتووهكان له عێراق دەکات
![](/media/28607/photo_4_2024-08-21_11-20-52.jpg?anchor=center&mode=crop&width=1200&height=630&rnd=133687020360000000)
ئەمڕۆ چوارشەممە 8/21 مەسرور بارزانى، سهرۆكى حکومەتی ههرێمى كوردستان، پێشوازی لە کلاودیۆ کۆردۆن جێگری نوێنهرى تایبهتیی سكرتێرى گشتيى نهتهوه يهكگرتووهكان له عێراق کرد.
بابەتی سەرەکی کۆبوونەوەکە، تایبەت بوو بە ئامادەکارییەکانی هەڵبژاردنی پەرلەمانی کوردستان.
جێگری نوێنهرى تایبهتیی سكرتێرى گشتيى نهتهوه يهكگرتووهكان له عێراق بە وەکالەت، سوپاسی پشتیوانیی حکومەتی هەرێمی کوردستانی کرد بۆ ئامادەکارییەکان و هەماهەنگیکردنی باشی لەگەڵ کۆمسیۆنی باڵای هەڵبژاردنەکانی عێراق لە پێناو ئەنجامدانی پرۆسەی هەڵبژاردن.
سەرۆکی حکومەت ئاماژەی بە گرنگیی ئەنجامدانی هەڵبژاردن لە کەشێکی ئازادانە و دادپەروەرانە و دوور لە پێشێلکاری و ساختەکاری کرد ، بۆ ئەم مەبەستەش جەختی لە گرنگیی ڕۆڵی نەتەوە یەکگرتووەکان و چاودێرانی نێودەوڵەتیی کردەوە کە پێویستە بە شێوەیەکی کارا چاودێری پرۆسەی هەڵبژاردن بکەن بۆ ئەوەی بە شێوەیەکی پاک و بێگەرد بەڕێوە بچێت.