سهرۆكی حکومەتی هەرێمی کوردستان لهگهڵ سهرۆكى ههنگاريا كۆبووهوه
![](/media/24686/photo_4_2024-01-17_14-14-48.jpg?anchor=center&mode=crop&width=1200&height=630&rnd=133499636720000000)
ئهمڕۆ چوارشەممە 1/17، مەسرور بارزانی، سهرۆكى حکومەتی ههرێمى كوردستان، لە داڤۆس، لهگەڵ کاتالین نۆڤاک، سهرۆكى ههنگاريا کۆبووەوە.
له كۆبوونهوهکەدا دوایین پێشهات و گۆڕانکارییەکانی عێراق و ناوچەکە و پەرەپێدانی پەیوەندیی دوولایەنە تاوتوێ کرا.
سەرۆکی هەنگاریا، پرسە و سەرەخۆشی و هاوخەمیى خۆی بۆ گیان لەدەستدانی خەڵکی سڤیل لە هێرشەکەی سەر هەولێر دەربڕی و پشتیوانیی وڵاتەکەی بۆ هەرێمی کوردستان دووپات کردەوە.
سەرۆکی حکومەت سوپاسیی هاوخەمی و پشتیوانیی سەرۆکی هەنگاریای کرد و جەختی کردەوە کە هەرێمی کوردستان وەک هەمیشە فاکتەرێکی ئاسایش و سەقامگیریی عێراق و ناوچەکە دەبێت.