سەرۆکی حکومەت لەگەڵ سەرۆکی حزبی سیادە کۆبووەوە
ئەمڕۆ پێنجشەممە 5/30، مەسرور بارزانى، سه‌رۆكى حکومەتی هه‌رێمى كوردستان، لە بەغدا له‌گه‌ڵ خەمیس خەنجەر، سەرۆکی حزبی سیادە کۆبووەوە.
لە کۆبوونەوەکەدا گفتوگۆ لەبارەی بارودۆخی گشتیی عێراق و پەیوەندییەکانی هەرێمی کوردستان و حکومەتی فیدراڵ کرا.
جەخت لەسەر چارەسەرکردنی کێشە و ناکۆکییەکان و گەیشتن بە ڕێککەوتن، لەپێناو پاراستنی ئاسایش و سەقامگیریی عێراق و ڕێزگرتن لە مافەکانی گەلی کوردستان و سەرجەم پێکهاتە جیاوازەکان و هاووڵاتییانی عێراق.
