سەرۆکی حکومەت پرۆسەی نۆژەنکردنەوەی بازاڕی قەیسەریی هەولێر بەسەر دەکاتەوە

ئەمڕۆ پێنجشەممە 9/5 مەسرور بارزانی سەرۆکی حکومەتی هەرێمی کوردستان، سەردانی بازاڕی قەیسەریی هەولێری کرد و لە نزیکەوە کارەکانی نۆژەنکردنەوەی بازاڕەکەی بەسەرکردەوە.

سەرۆکی حکومەت لایەنە پەیوەندیدارەکانی حکومەتی ڕاسپارد کە پرۆسەی چاکردنەوە و نۆژەنکردنەوەی بازاڕی قەیسەری خێراتر بکەن . دوکاندارانی زیانلێکەوتووی بازاڕەکەشی دڵنیا کردەوە کە بە پێی توانا و قەبارەی زیانەکەیان هاوکاریان دەکات و هەوڵ دەدات بۆ ئەوەی بازاڕەکە زوو بکرێتەوە.
بە بڕیاری سەرۆکی حکومەت‌ گوژمه‌ی پێنج ملیارو سێسه‌د ملیۆن دینار بۆ ‌ نۆژنکردنه‌وه‌ی بازاڕی قەیسەریی تەرخانکراوه‌و لە ماوەی دیاریکراوی خۆیدا تەواو دەکرێت.