سەرۆکی حکومەتی هەرێمی کوردستان پێشوازی لە شاندێکی كۆماری قوبرس دەکات
ئەمڕۆ چوارشەممە 4/23، مەسرور بارزانی سەرۆکی حکومەتی هەرێمی کوردستان، پێشوازی لە شاندێکی کۆماری قوبرس کرد بە سەرۆکایەتيی سالینا شامبۆس، بەرپرسی کاروباری سیاسی لە وەزارەتی دەرەوەی قوبرس و نێردەی ئەو وڵاتە بۆ پاراستنی کریستیانەکانی ڕۆژهەڵاتی ناوەڕاست.
لە کۆبوونەوەکەدا کە سێڤاگ ئەڤێدسیان باڵیۆزی نوێی قوبرس لە عێراق ئامادەی بوو ، سەرۆکی حکومەت وێڕای دووپاتکردنەوەی خواستی پەرەپێدانی پەیوەندی دوولایەنە، پیرۆزبایی دەستبەکاربوونیشی لە باڵیۆز کرد و پشتیوانی حکومەتی هەرێمی کوردستانی بۆ سەرخستنی ئەرکەکەی دەربڕی.
شاندی قوبرس سڵاوو ڕێزی سەرۆک کۆماری قوبرسیان بە سەرۆکی حکومەت گەیاند و ئامادەیی وڵاتەکەیان بۆ بەهێزکردنی پەیوەندییەکان لەگەڵ هەرێمی کوردستان نیشاندا .
