سەرۆکی حکومەت پیرۆزبایی لە بەرهەم ساڵح دەکات

ئەمڕۆ هەینی 12/19، مەسرور بارزانی، سەرۆکی حکومەتی هەرێمی کوردستان، پەیامێکی پیرۆزبایی ئاراستەی د. بەرهەم ساڵح کرد بە بۆنەی وەرگرتنی پۆستی کۆمسیاری باڵای نەتەوە یەکگرتووەکان بۆ کاروباری پەنابەران (UNHCR ).

ئەمەش دەقی پەیامەکەیە؛

برای بەڕێزم د. بەرهەم ساڵح ، کۆمسیاری باڵای نەتەوە یەکگرتووەکان بۆ کاروباری پەنابەران( UNHCR):

بە بۆنەی وەرگرتنی پۆستی کۆمسیاری باڵای نەتەوە یەکگرتووەکان بۆ کاروباری پەنابەران، گەرمترین پیرۆزباییتان ئاراستە دەکەم و هیوای سەرکەوتنتان بۆ دەخوازم.

مایەی خۆشحاڵیمانە کەسایەتییەکی کورد، ئەم پۆستە باڵایەی نەتەوە یەکگرتووەکان وەربگرێت، کە دڵنیاین بەڕێزتان، سەرکەوتووانە ئەم ئەرکە بەجێ دەگەیەنین.
وێڕای پیرۆزباییمان، هەموو پشتیوانییەکی خۆمان بۆ بەڕێزتان دەردەبڕین.

مەسرور بارزانی
سەرۆکی حکومەتی هەرێمی کوردستان
2025/12/19