سەرۆکی حکومەت پێشوازی لە پرۆفیسۆر ڕەشاد میران دەکات
ئەمڕۆ پێنجشەممە 11/27، مەسرور بارزانی، سەرۆکی حکومەتی هەرێمی کوردستان، پێشوازی لە کۆمەڵناسی ناسراوی کورد پرۆفیسۆر ڕەشاد میران کرد.
لە دیدارەکەدا سەرۆکی حکومەت دەستخۆشی لە پرۆفیسۆر ڕەشاد میران کرد بۆ کار و بەرهەمەکانی و پیرۆزبایيی بەدەستهێنانی (خەڵاتی پوشکین)یشی لێکرد، کە بەم دواییانە لە مۆسکۆ، لەلایەن سەرۆکی ڕووسیا ڤلادیمێر پوتین پێی بەخشرا.
پرۆفیسۆر ڕەشاد میران، سوپاسی پیرۆزبایی و پشتیوانیی سەرۆکی حکومەتی کرد.
