لەسەر فەرمانی سەرۆکی حکومەت بڕیار درا مووچەی خانەنشینانی پيشمەرگە خەرج بکرێت

لەسەر فەرمانی مەسرور بارزانی، سەرۆکی حکومەتی هەرێمی کوردستان، بڕیار درا کێشەی مووچەی ئەو ئەفسەر و پلەدار و پێشمەرگانەی لە 2025/1/1 بە دواوە خانەنشین بوونە و مووچەیان لەلایەن حکومەتی فیدرالەوە خەرج نەکراوە چارەسەر بکرێت و وەزارەتی دارایی و ئابووری ڕاسپارد، بەیانی پێنجشەممە 11/6 مووچەیەکیان وەک پێشینە لەسەر داهاتی ناوخۆی هەرێم بۆ خەرج بکات و بە زووترین کاتیش چارەسەری ئەم بابەتە بکرێت.