ڕۆژی پێنجشەممە، ٢٢ی ئایاری ٢٠٢٥، بەڕێوەبەرایەتیی گشتیی کاروباری مینی هەولێر، لە چالاکییەکدا ٢١٧٥ مین و پاشماوەی تەقەمەنیی جەنگی لەناو برد.

دەزگای گشتیی کاروباری مین، بە مەبەستی خۆپاراستن لە مەترسییەکانی مین و تەقەمەنی و پاشماوەی جەنگی، پەیامەکانی هۆشیاری بە هاووڵاتییان دەدەن.

دەزگای گشتيی کاروباری مین بۆ نەهێشتنی مەترسیيەکانی مین و تەقەمەنی، سەرجەم ئەو مین و تەقەمەنی و پاشماوە جەنگيیە نەتەقیوانەی، لە ئەنجامی پاکسازيی مین هەڵیان دەگرێتەوە، لە پرۆسەیەکی تەقینەوەی سەرکەواتووانەدا لەناویان دەبات.

ڕۆژى دووشەممە ١٢ى ئایاری ٢٠٢٥، دەزگای گشتيی کاروباری مین لە درێژەی کاروچالاکیيەکانیدا، لە پارێزگه‌ و ئیدارە سەربەخۆکان، ژمارەیەک مین و تەقەمەنی و پاشماوەی جەنگيی نەتەقیو، دوای پووچەڵکردنەوەیان، سەرجەميان لەناوبردن.