دەزگای مین سندوقی سكاڵا لەسەرجەم بەرێوەبەرایەتیەكانی دادەنێت
هەولێر، هەرێمی کوردستان، عێراق (GOV.KRD)- ئەمرۆ سێشەممە 2021/2/16 بەمەبەستی پەیڕەوكردنی روونی و دادپەروەری و بەدواداچوونی گرفتی كارمەندانی كاروباری مین.
دەزگای گشتی كاروباری مین سندوقی سكاڵا دادەنێت لە سەرۆكایەتی دەزگا و گشت بەرێوەبەرایەتیەكان بۆ كارمەندانی هەمیشەی و گرێبەستی دەزگا و لەگەڵ سەرجەم ئەو كۆمپانیا و رێكخراوانەی بواری مین كە مۆڵەتیان لە دەزگای مین هەیە و كاردەكەن لەوبوارە لە هەرێمی كوردستان، كارمەندەكانیان لەكاتی بوونی هەر سەرپێچەیەك یان مامەڵەیەكی ناشیاو بەرامبەریان دەتوانن سكاڵای خۆیان لەو سندوقە دابنێن دواتر لیژنەی سكاڵا بەدواداچوون بۆ سكاڵاكەیان دەكات رێكاری پێویست و یاسایی دەگرنە بەر بەرامبەر بە لایەنی سەرپێچی کار لە دەزگای مین و كۆمپانیاو رێكخراوەكان ئەگەر هاتوو كەم وكوڕی لەوان دا هەبوو.
یاخود كارمەندی سكاڵاكەر دەتوانێت لەرێگەی ئەو ئیمێلە سكالای خۆی بنێرێت(skala.maa21@gmail.com) كە سەرجەم نەهێنیەكانی كەسی پارێزراوە.