کێڵگەمینى "زه‌ويى فه‌تاح" له‌ ئيداره‌ى سه‌ربه‌خۆى گه‌رميان دوای پاککردنەوەی ڕادەستی خاوەنەکەی کرایەوە

لە درێژەی هه‌وڵه‌كانى پاککردنەوەی خاکی هەرێمی کوردستان لە مەترسیيەکانی مین و تەقەمەنی، لیژنەی ڕادەستکردنەوەی کێڵگەمینەکان، لە بەڕێوەبەرایەتيی گشتيی کاروباری مینى گەرمیان،بە ئامادەبوونی بەڕێوەبەری شاره‌دێى ڕزگاری، کێڵگەمینی (زەويی فەتاح) لە گوندی شاکەلى ئیدارەی سه‌ربه‌خۆى گەرمیان، دواى پاککردنەوە و دڵنیابوونەوە لەوەی کە بە تەواوەتی سەلامەتە بۆ بەکارهێنان، ڕاده‌ستى خاوه‌نه‌كه‌ى كرايه‌وه‌.
ڕووبەری زه‌وييه‌كه‌ ١٥هەزار مەتر دووجايه‌ و دەیان مین و تەقەمەنی تێيدا دۆزراوەتەوە و پاشان سەرجەمیان لەناوبران.