بڕیار لەسەر کلێشەیەکی یەکگرتوی بڕوانامەی تەندروستی رووەکی درا
![](/media/7277/232587725_155095923397499_3355580105577584275_n.jpg?anchor=center&mode=crop&width=800&height=600&rnd=132726307840000000)
هەولێر، هەرێمی کوردستان، عێراق ( GOV.KRD )-ئەمڕۆ چوارشەمە 2021/8/4 بە سەرپەرشتی راوێژکاری وەزارەت رزگار حمد خدر و ئامادەبوونی بەڕێزان ب.گشتی پلاندانان و ب. گشتی باخداری و دارستان و پاوان و سەرۆکی لیژنەی هەموارکردنەوەی یاسای کەرەنتینەی کشتوکاڵی و لێپرسراوی بەشی پاراستنی رووەک لە ئاستی پارێزگاکانی هەولێر و سلێمانی و دهۆک کۆبونەوەیەکی هونەری گرنگ ئەنجام درا.
بەمەبەستی بەبازاڕکردن و هەناردەکردنی بەرهەمی کشتوکاڵی بۆ وڵاتانی دەرەوەی هەرێمی کوردستان، دوابەدوای دیاری کردنی مەرج و رێکارەکانی هەناردەی بەرهەمی جوتیاران لەلایەن وەزارەتی کشتوکاڵ و سەرچاوەکانی ئاو.
هەروەها بۆ دیاری کردنی بڕوانامەیەکی یەکخستووی تەندروستی ودیاری کردنی خاڵە سەرەکى و بنەڕەتیەکان کە یەکێکە لە مەرجەکانی هەناردەکردنی بەرهەم لەسەر ئاستی بەڕێوەبەرایەتیە گشتیەکانی سەر بە وەزارەت.
دوای گفتوگۆکردنی زانستیانە و پشتبەستن بە یاسا و رێنماییەکان و ستانداردی تایبەتی پشکنینی بەرهەمەکان و یاساکانی تایبەت بە کەرەنتینەی کشتوکاڵی و پاراستنی رووەک.
لە کۆبونەوەکە بڕیار لە سەر دیاری کردنی یەک کلێشەی یەکگرتووی بروانامەی تەندروستی رووەکی درا و لەداهاتوودا بڵاو دەکرێتەوە بەشێویەکی سەردەمی و مۆدێرنانە بۆ ئەوەی کە بازرگان و هەناردەکاران وکۆمپانیاکانی هەناردەکردن بتوانن مەرجەکانی هەناردەکردن جێبەجێ بکەن .
هەر لەو کۆبونەوەیەدا دیراسەی چەندین نمونەی هەرێمی و عێراقی کرا تایبەت به بروانامەی تەندروستی رووەکی و هەناردەکردنی بەرهەمەکانی جوتیاران بۆ دەرەوە، کە بەرهەمی ناوەخۆی لە ئێستادا بەرهەمێکە خواستی زۆری لەسەرە و لە وڵاتانی کەنداو و ئەوروپی، بۆیە لەم کۆبونەوەیەدا بڕیاردرا کە بەزوترین کات بروانامەی تەندروستی رووەکی ئامادە بکرێت بۆئەوەی کە کارو گشتاندنی بۆ بکرێت، لە سەرجەم فەرمانگەکانی سەر بەوەزارەتی کشتوکاڵ و سەرچاوەکانی ئاو