خولێکی ڕاهێنانی چاندنی پەتاتە بۆ ژمارەیەک جوتیاری نمونەیی و فەرمانبەران بەڕێوەچوو
![](/media/4402/potato-growing-training-course_01.jpg?anchor=center&mode=crop&width=1200&height=630&rnd=132573693250000000)
هەولێر، هەرێمی کوردستان، عێراق (GOV.KRD)- ئەمرۆ سێشەممە 2021/2/9 بەسەرپەرشتی بێگەرد تاڵەبانی وەزیری کشتوکاڵ و سەرچاوەکانی ئاو، بەهەماهەنگی بەڕێوەبەرایەتی گشتی باخداری و دارستان و پاوان و بەڕێوەبەرایەتی گشتی توێژینەوە و راهێنانی کشتوکاڵی، خولێکی ڕاهێنانی چاندنی پەتاتە بۆ ژماریەک جوتیاری نمونەیی و فەرمانبەران لەلایەن کۆمپانیای نهار الاوراد کردەوە.
ئامانجی خولەکە بۆ فێرکردن و ڕاهێنان پێکردنی ئەم جوتیارو فەرمانبەرانەیە لە بواری چاندنی بەروبومی پەتاتە بەتایبەتیش جیاوازی لە نێوان پەتاتەی خواردن و بەپیشەسازی کردنی پەتاتەو دیاریکردنی جۆرەکانی نەخۆشی پەتاتە لە هەرێمی کوردستان.
بەشداربووان بریتی بوون لە فەرمانبەرانی بەشەکانی باخداری و ڕێنمای کشتوکاڵی و توێژنەوە و خزمەتگوزاری کشتوکاڵی و کەرەنتینەکانی کشتوکاڵی و ژمارەیەک جوتیاری نمونەی بەشداریان تێداکردبوو.
لەکۆتایشدا بڕوانامە بەسەر بەشداربووانی خولەکە دابەشکرا
ئەم خولە لەمیانی گرنگی پێدانی بەردەوامی ڕاهێنان و فێرکاری تایبەتە بە چاندن و بەرهەمهێنانی پەتاتەیە وەکو گرنگی پێدانی ناوەخۆیی کە لە داهاتوو لە سەرجەم شارەکانی کوردستان ئەم خولە دەکرێتەوە .