بڕیاردرا بە لێخۆشبوون لە لێبڕینی (%2) ی پاڵپشتی بنەتۆی گەنمی جوتیاران
![](/media/6796/whatsapp-image-2021-06-29-at-114919-am.jpeg?anchor=center&mode=crop&width=1200&height=630&rnd=132694302020000000)
هەولێر، هەرێمی کوردستان، عێراق (GOV.KRD)- رۆژی 2021/6/27 بێگەرد تاڵەبانی وەزیری کشتوکاڵ و سەرچاوەکانی ئاو به مەبەستی تاوتوێ کردنی پرۆسەی وەرگرتن و کڕینەوەی گەنمی جوتیاران، لهگهڵ نوێنەری هەردوو کۆمپانیای قەیوان و خۆشناو کۆبۆوە .
دوابەدوای گفتوگۆ و ئاڵوگۆڕی سەرنج و پێشنیارەکانی ئامادەبووان ، لەکۆتاییدا بڕیاردرا بە لێخۆشبوون لە لێبڕینی (%2) ی پاڵپشتی بنەتۆی گەنمی جوتیاران لە پارەی پرۆژەی بەبازاڕکردن لەلایەن هەردوو کۆمپانیای (خۆشناو و قەیوان ). ئهمهش دوای ئهوه دێت کە لەماوەی رابردوودا ئهم دوو كۆمپانیایه گرێبهستێكی هاوبهشیان ئەنجام دا لەگەڵ وەزارەتی کشتوکاڵ و سەرچاوەکانی ئاو بە مەبەستی دیاریکردنی نرخ و وەرگرتنەوەی گەنمی جوتیارانی هەرێم لە دەرەوەی پلانی وەزارەتی كشتوكاڵی عێراق و سایلۆکانی هەرێم .