باج و رسومات لەسەر هاوردەکردنی ئاژەڵ هه‌ڵگیرا
هەولێر، هەرێمی کوردستان، عێراق (GOV.KRD)- ڕۆژی چوارشەممە ٢٠٢٢/٤/١٣ لە کۆبوونەوەی ھەفتانەی ئەنجوومەنی وەزیران و لەسەر پێشنیاری بێگەرد تاڵەبانی، وه‌زیری كشتوكاڵ و سه‌رچاوه‌كانی ئاو، بڕیاردرا بە ھەڵگرتنی باج و رسومات لەسەر ھاوردەکردنی ئاژەڵ ، ئه‌م بڕیاره‌ش لە پێناو بەرژەوەندی گشتی ھاووڵاتیان و ڕێگریكردنه له بەرزبوونەوەی نرخی گۆشتی سوور لەبازاڕەکانی ھەرێمی كوردستان و هه‌روه‌ها دابینکردنی گۆشتی سووره بۆ بازاڕه‌كانی كوردستان ، بە تایبەتی له ئێستادا كه ئێمه لە ناو مانگی ڕەمەزانی پیرۆزین.
