ڕێگە بۆ هاوردەکردنی بنەتۆو بۆ کۆمپانیاکان دەکرێتەوە
![](/media/13588/fb_img_1659033764581.jpg?anchor=center&mode=crop&width=1200&height=630&rnd=133035557140000000)
هەولێر، هەرێمی کوردستان، عێراق (GOV.KRD)- لەپێناو بەرژەوەندیی گشتیی جووتیاران و خاوەن پڕۆژەکان و بە مەبەستی دەستکەوتنی بنەتۆوی بەبڕشت و بەرهەمداری دانەوێڵەی گەنم لە سەرچاوەی باوەڕپێکراو، وەزارەتی کشتوکاڵ و سەرچاوەکانی ئاو، بڕیاری دا رێگە بدات بە ھاوردەکردنی بڕی ٨٠،٠٠٠ هەشتا هەزار تۆن بنەتۆوی گەنمی ڕێگەپێدراو لە ھەرێمی کوردستان و عێراق بۆ وەرزی چاندنی ٢٠٢٢-٢٠٢٣ لەلایەن خاوەن کۆمپانیا کشتوکاڵییەکانەوە.
ئەم ڕێگەپێدانە لە بەرواری ٢٠٢٢/٨/٢٨ دەستپێدەکات تاوەکو ٢٠٢٣/١/١٤، لەو ماوەیەدا کۆمپانیاکان سەربەستن لە هاوردەکردنی بنەتۆو.