بۆ چارەسەرکردنی کێشە کشتوکاڵییەکان، بریکاری وەزارەت سەردانی پارێزگای هەڵەبجەی کرد
![](/media/12940/fb_img_1655990719534.jpg?anchor=center&mode=crop&width=1200&height=630&rnd=133004782840000000)
هەولێر، هەرێمی کوردستان، عێراق (GOV.KRD)- ئەمڕۆ پێنجشەممە ۲۳ ی حوزەیرانی ۲۰۲۲، بریکاری وەزارەت کەریم سلێمان سەردانی پارێزگای هەڵەبجەی كرد و لەلایەن ئازاد تۆفیق پارێزگاری هەڵەبجە پێشوازی لێ كرا ، دواتر کۆبوونەوەیەک بەڕێوەچوو لەبارەی هەماهەنگی و چارەسەرکردنی کێشە کشتوکاڵییەکان بەتایبەتی تاوتوێکردن و وەڵامدانەوە و ڕەزامەندی لیژنەی باڵای بیرلێدان لە وەزارەت، بۆ ئەو یاداشتەی کە پارێزگای هەڵەبجە، سەبارەت داواکاری و کێشەی کەمئاوی و لێدانی بیر و چەندین کەیسی تری جوتیاران پێشکەشی کردبوو.
شاندەکەی وەزارەت سەردانی مۆنۆمێنتی شەهیدانی هەڵەبجەیان کرد و پاشان سەردانی ب.گشتی کشتوکاڵی هەڵەبجەیان کرد و لەلایەن بەڕێوەبەری گشتی و بەڕێوەبەران و فەرمانبەران پێشوازیان لێوەکرا و لەم دیدارەدا، لە نزیکەوە گفتوگۆ کرا بەمەبەستی ئاگاداربوون لە بەڕێوەچوونی کاروبارەکانی پەیوەست بە جوتیاران و پڕۆژەکانی سنووری پارێزگای هەڵەبجە .