شاندی حکومەتی هەرێم لە دوبەی لەگەڵ وەزیری وزە و ژێرخانی ئیماراتی كۆبوونەوە
هەولێر، هەرێمی کوردستان، عێراق (GOV.KRD)- ڕۆژی دووشەممە 28ی ئاداری 2022 لە پەراوێزی کۆڕبەندی جیھانیی وزە لە شاری دوبەی، بێگەرد تاڵەبانی وەزیری کشتوکاڵ و سەرچاوەکانی ئاو، بە ئامادەبوونی مەسرور بارزانی، سەرۆکی حکومەتی هەرێمی کوردستان، لەگەڵ سوهەیل مەزروعی وەزیری وزە و ژێرخانی ئیماراتی كۆبوونەوە.
لەم کۆبوونەوەیەدا گفتوگۆ کرا دەربارەی دوایین گۆڕانکارییەکانی عێراق و ناوچەکە و پەرەپێدانی پەیوەندییەکانی هەرێمی کوردستان و ئیمارات و دەرفەتەکانی فراوانکردنی هەماهەنگیی و هاریکاریی بۆ هاندانی سەرمایەگوزاری لە نێوان هەردوولا بەتایبەتی لە سێکتەرەکانی کشتوکاڵ و وزە و ڕێگاوبان و ھاتووچۆ و گەیاندن .