بێگەرد تاڵەبانی پێشوازی لە کۆنسوڵی گشتی کۆماری تورکیا کرد
![](/media/24219/fb_img_1702322784250.jpg?anchor=center&mode=crop&width=1200&height=630&rnd=133468408840000000)
رۆژی دووشەممە ١١ی کانوونی یەکەمی ٢٠٢٣، بێگەرد تاڵەبانی، وەزیری کشتوکاڵ و سەرچاوەکانی ئاوی حکومەتی هەرێمی کوردستان، بەئامادەبوونی بریکار و ستافێکی وەزارەت، پێشوازی لە مەولوت یاقوت، کۆنسوڵی گشتی کۆماری تورکیا لە هەولێر و تیمێکی یاوەری کرد.
لەم دیدارەدا تاوتوێی هەماهەنگی و بەرەو پێشچوونەکانی نێوان کۆماری تورکیا و هەرێمی کوردستان کرا، بەتایبەتی لەبوارەکانی سەوزکردنی ژینگەی کوردستان و پێشخستنی سێکتەری کشتوکاڵی و ئاودێری و سامانی ئاژەڵی و دامەزراندنی پڕۆژە و کارگەی ستراتیژی پیشەسازی کشتوکاڵی و ئاشناکردنی جوتیارانی هەرێم بە ئەزموونی پێشکەوتووی وەبەرهێنەران و دامەزراوەکانی کۆماری تورکیا.