خولێن شیاندنێ بۆ دەرچوویێن چاندن و ڤێتەرنەریێ دەستپێکر
هەولێر، هەرێمی کوردستان، (GOV.KRD)- بمەرەما بەرەڤپێشبرنا شیانێن دەرچوویێن کولیژێن چاندن و ڤێتەرنەریێ یێن فۆرما پەیداکرنا دەلیڤێن کاری ل پارێزگەها دهۆکێ پرکرین، رێڤەبەریا گشتی یا چاندنێ دەست ب ڤەکرنا خولان کر.
هەر د ڤێ چارچوڤێ دا ل سەنتەرێ باژێرێ دهۆکێ و قەزا ئاکرێ خولێن شیاندن و پێگەهاندنێن تایبەت هاتن
ڤەکرن و دێ بۆ ماوێ پێنج رۆژان بەردەوام بن.
ل پارێزگەها دهۆکێ ٢١٠٤ دەرچوویان فۆرم پڕ کربوون و د چەندین قۆناغان دا خول بۆ وان دهێنە ڤەکرن.
وەزارەتا چاندن و ژێدەرێن ئاڤێ یا حکومەتا هەرێما کوردستانێ دەلیڤێن کاری بۆ ٥ هزار دەرچوویێن چاندن و ڤێتەرنەریێ راگەهاندبوو کو ژوانا ژی نێزیکی هزار دەرچوویێن دهۆکێ دێ مفادار بن.
