بێگەرد تاڵەبانی پێشوازی لە نەقیبی سەندیکای پزیشکانی ڤێتێرنەریی عێراق کرد
![](/media/25973/435225817_811705394199777_8274334442871262084_n-1400.jpg?anchor=center&mode=crop&width=1200&height=630&rnd=133566071410000000)
ڕۆژی سێشەممە ٢ــی نیسانی ٢٠٢٤، بێگەرد تاڵەبانی، پێشوازی لە د. حسن چلوپ، نەقیبی سەندیکای پزیشکانی ڤێتێرنەریی عێراق و د. عەلاء حسێن، ئەندامی ئەنجومەنی سەندیکا، و د. شێرزاد جهاد، بەرێوەبەری کارگێریی گۆڤاری نەهرینی ڤێتێرنەری کرد.
دیدارەکە بۆ مەبەستی هەماهەنگی و پەرەپێدانی پەیوەندییەکان و بانگهێشتکردنی وەزارەتی کشتوکاڵ و سەرچاوەکانی ئاو بوو بۆ کۆنفرانسی نێودەولەتیی ڤێتێرنەریی بەغدا، کە بڕیارە لەژێر دروشمی "پزیشکی و زانستە ڤێتێرنەرییەکان لە خزمەتی گەشپێدانی ئابووری و سەلامەتیی کۆمەڵگە" لەلایەن سەندیکای پزیشکانی ڤێتێرنەری، لە سەرەتای مانگی داهاتوو، بە بەشداری ژمارەیەکی بەرچاو لە کەسایەتی و ڕێکخراو و سەندیکاکانی بواری پزیشکیی ڤێتێرنەری و سامانی ئاژەڵی لە شاری بەغدا بەڕێوە بچێت.