بێگەرد تاڵەبانی لەگەڵ تیمێکی ڕێکخراوی نێودەوڵەتیی فاو"FAO" کۆبووەوە

ڕۆژی یەکشەممە ١٤ـی نیسانی ٢٠٢٤، بێگەرد تاڵەبانی بە ئامادەبوونی ستافێکی وەزارەت، لەگەڵ تیمێکی ڕێکخراوی نێودەوڵەتیی فاو (FAO) کۆبووەوە.

کۆبوونەوەکە بە مەبەستی گفتوگۆکردن و تاوتوێکردنی دوایین قۆناغەکانی دامەزراندن و کارابوونی پرۆژەی ستراتیژی و نیشتمانی (جین بانک)ـی نێودەوڵەتی بوو، بۆ مەبەستی پارێزگاری و سوودوەرگرتن لە شانەی ڕووەکی و ئاژەڵی و ڕووەکە سروشتییەکان و ئاژەڵە کێویەکانی کوردستان، و دەستنیشانکردن و کۆنتڕۆڵکردنی نەخۆشیەکان، و باشترکردنی خزمەتگوازیی کشتوکاڵی و ئاژەڵداری، و بەهێزکردنی ژێرخانی ئاسایشی خۆراک و زانستی.

جێی باسە ئەم پرۆژەیە وەکوو ئەزموونێکی پێشکەوتوو، هەنگاوی باشی بڕیوە و بڕیار وایە لە ئاییندەیەکی نزیکدا لە ئاستی عێراق و هەرێمی کوردستان، لەسەر ڕووبەری ١٠٠ دۆنم زەوی بە پاڵپشتیی دارایی و تەکنیکیی یەکێتیی ئەوروپا و بە چاودێری ڕێکخراوی فاو، وە جێبەجێکردنی لەلایەن ڕێکخراوی جیهانی (ئیکاردا) بۆ توێژینەوە و گەشەپێدان، بەهەماهەنگیی وەزارەتی کشتوکاڵ و سەرچاوەکانی ئاوی هەرێمی کوردستان لە مەراسیمێکی فەرمی لە شاری سلێمانی دەست بە دروستکردنی بکرێت، وەک شوێنێکی دیراسەکراوی بەهێز و نزیک لەسەرچاوە بۆماوەییە ڕووەکییە سروشتییەکان و ئاژەڵییەکان.