یەکەم دیداری ساڵانەی پزیشکانی ڤێتێرنەری بەڕێوە چوو
![](/media/25498/fb_img_1709061418370.jpg?anchor=center&mode=crop&width=1200&height=630&rnd=133535367240000000)
ڕۆژی سێشەممە ٢٧ی شوباتی ٢٠٢٤، بێگەرد تاڵەبانی، وەزیری کشتوکاڵ و سەرچاوەکانی ئاو، بە هاوڕێیەتی ستافێکی باڵای وەزارەت، لە یەکەمین دیداری ساڵانەی پزیشکانی ڤێتێرنەری بەشدار بوو، لە ژێر دروشمی پیشەی ڤێتێرنەری گرفت و چارەسەر، کە لەلایەن سەندیکای پزیشکانی ڤێتێرنەری کوردستان ڕێکخرابوو.
لەم دیدارەدا وێڕای دەستخۆشیی بێگەرد تاڵەبانی بۆ ڕێکخەرانی چالاکییەکە وەکوو وەزارەتی کشتوکاڵ و سەرچاوەکانی ئاو جەخت لەسەر هەماهەنگی و پاڵپشتیی تەواو کرایەوە، وە پێشوازیکردن لە ڕاسپاردە و پێشنیارەکانی دیدارەکە، لەپێناوی گرنگیدان بە سامانی ئاژەڵی و ڕۆڵ و کاریگەری و بەرەو پێشبردنی کەرتی ڤێتێرنەری و بەدواداچوون بۆ کێشە و داواکارییەکانی پزیشکانی ڤێتێرنەری لەمیانی بەرێوەچوونی پانێلەکانی نێو دیدارەکە.