بێگەرد تاڵەبانی لە کۆنفرانسی پزیشکيی نێودەوڵەتيی ڤێتێرنەری لە بەغدا بەشدار بوو
![](/media/26400/441877197_830546452315671_7694108883476130505_n.jpg?anchor=center&mode=crop&width=1200&height=630&rnd=133594597050000000)
ڕۆژى یەکشەممە ٥ــى ئايارى ۲۰۲٤، بێگەرد تاڵەبانی بە هاوڕێیەتی بریکاری وەزارەت و تیمێکی وەزارەت بەشدار بوو لە کۆنفرانسی پزیشکيی نێودەوڵەتيی ڤێتێرنەری لە بەغدا، لە ژێر دروشمی (پزیشکی و زانستە ڤێتێرنەرییەکان لە خزمەتی گەشەپێدانی ئابووری و سەلامەتيی کۆمەڵگە)، کە لەلایەن سەندیکای پزیشکانی ڤێتێرنەريی عێراقی بە هەماهەنگيی گۆڤاری نەهرێنی ڤێتێرنەری بۆ ماوەی دوو ڕۆژ ڕێک خراوە.
لەم کۆنفرانسەدا بە پێشکەشکردنی گوتارێکی تایبەت، وەزیری کشتوکاڵ و سەرچاوەکانی ئاو، جەختی لەسەر ڕۆڵ و گرنگيی پزیشکانی کەرتی ڤێتێرنەری و خستنەڕووی کێشە و ئالەنگارییەکان و یەکخستنی دەرفەت و توانا هاوبەشەکان لە ئاستی هەرێم و عێراق لەپێناو پێشخستن و گەشەپێدانی کەرتی ڤێتێرنەری و سامانی ئاژەڵی و هاندانی زیاتری پیشەیی و پزیشکانی ڤێتێنەری لە کوردستان و عێراق.
لە هەمان کاتدا تیمی وەزارەت لە مەراسیمی کردنەوەی پێشانگهیەکی تایبەتی خستنەڕووی بەروبوومەکانی وەبەرهێنەران و خاوەنى پرۆژە و دەستیکاری بواری کشتوکاڵی و پیشەسازی و ئاژەڵداری بهشداربوو.