وەزیری ئاوەدانکردنەوە پڕۆژی چاککردنەوە و قیرتاوکردنی رێگای دۆڵی بالیسانی بەسەر کردەوە
![](/media/20236/fb_img_1685990245497.jpg?anchor=center&mode=crop&width=1200&height=630&rnd=133304694730000000)
دانا عەبدولکەریم، وەزیری ئاوەدانکردنەوە و نیشتەجێکردن، لەکۆنگرەیەکی رۆژنامەوانیدا لە کاتی بەسەرکردنەوەی پڕۆژی چاککردنەوە و قیرتاوکردنی رێگای دۆڵی بالیسان رایگەیاند؛'' خۆشبەختانە بەشێوەیەکی باش کارکردن لەم پڕۆژەیە دەستی پێکردوەتەوە و ئەگەر گرفتی دارایی دروست نەبێت، پێش وەرزی زستان بەتەواوی پڕۆژەکە تەواو بێت و دەخرێتە خزمەتی ھاووڵاتییان.''
ئاماژەی بەوەشکرد، بە درێژایی ٢٣ کم رێگاکە چاک دەکرێت و بودجەی پرۆژەکەش زیاتر لە حەوت ملیار و ٦٩٨ ملیۆن دینارە.
وەزیری ئاوەدانکردنەوەو نیشتەجێکردن وتیشی: «ئێمە بەڵێنەکەی خۆمان بۆ خەڵکی سنورەکە بردەسەر بۆ جێبەجێ کردنی پڕۆژەکە، بەڵام بەھۆی وەرزی زستانەوە دەستپێکردنەکەی دواکەوت بوو، پشت بەخوا بارودۆخەکەش بەرەو باشی دەڕوات و ئەم پڕۆژەیەش دەخەینە خزمەتی ھاوڵاتیانەوە.''