وەزیری ئاوەدانکردنەوەو نیشتەجێکردن پێشوازی لە وەفدێکی بانکی نێودەوڵەتی دەکات
![](/media/19160/fb_img_1680214229422.jpg?anchor=center&mode=crop&width=1200&height=630&rnd=133247344840000000)
رۆژی پێنجشەممە ٣٠ی ئاداری ٢٠٢٣، دانا عەبدولکەریم، وەزیری ئاوەدانکردنەوە و نیشتەجێکردن پێشوازی لە شاندێکی بانکی نێودەوڵەتی بە سەرۆکایەتی ئیبراھیم ئەلدەجانی، بەڕێوەبەری کەرتی گواستنەوە لە بەشی رۆژھەڵاتی ناوەراست و باکوری ئەفریقای سەر بە بانکی نێودەوڵەتی و سۆران حەمە تاهر، پسپۆڕی باڵای ژێرخانی و نوێنەری بانکی نێودەوڵەتی لەهەرێمی کوردستان کرد.
لەکۆبونەوەیەکدا گفتوگۆ کرا سەبارەت بەکارو پڕۆژەکانی وەزارەتی ئاوەدانکردنەوە و نیشتەجێکردن بە تایبەت لە بواری رێگاوبان و ھەماھەنگی نێوان ھەردولاو کاری پێکەوەیی.
وەزیری ئاوەدانکردنەوە و نیشتەجێکردن جەختی کردەوە کە پڕۆژەکانی رێگاوبان ئەولەویەتی کارکردنی وەزارەتە و رایگەیاند:''رێگای دوسایدی نێوان شارەکان کاری لەپێشینەی وەزارەتە و بۆ ئەومەبەستەش هەمو هەوڵێکمان بۆ دابینکردنی بودجە و جێبەجێکردن و تەواوکردنیانە، بۆ ئەوەی رێگایەکی سەلامەت بۆ ھاووڵاتیان دابین بکەین.''
وەفدی بانکی نێودەوڵەتی جەختی لەسەر کاری پێکەوەیی و ھەماھەمگی نێوان ھەردولا کردەوە و ئامادەیی خۆیان بۆ ھەمو ھاوکارییەک دوپات کردەوە.